Aus der Fasnachtspredigt und Einladung zur nächsten Feierabendfeier, 6. Februar, 19 Uhr:

Hend Sies gläse: Mer het in Leibstadt e alti Burg entdeckt.
Fascht dussig Jor alt und lange Zit verborge und versteckt.
Oberhalb von Leibstadt liegt sie in de Highlands sozusage,
wie in Schottland, drum dönd hüt so viele hier Schottekostüm trage.
D Seifesüder hends zu ihrem Motto gmacht und so sind sie da.
D Leibstädter Highlands – die luege mir hüt mol nöcher a.
In de Highlands in Schottland gibt’s vieli Whiskybrennereie.
Di dönt in de Highlands von Leibstadt eher weniger gedeihe.
Aber i de Chile von Leibstadt gibt’s trotzdem öbbis zum Trinke.
A der Fiirobigfiir am Fritigobe dönd Bierfläsche uf em Tisch blinke.
Mitenand singe und bäte, uf de Fiirobig astosse und enander lo läbe.
So Fiirobigfiire – da könnts gut und gern no eine meh devo gebe.
I de Chile Leibstadt gits ja au noi en schöne Disch und Stühl zum bequem hocke.
Mer hed e paar vo de Chilebänk usegno, um mehr und au andri Lüt id Chile zu locke.
Das isch ziemlich gut glunge, wie ich sälber ha chönne bim Fiire hier gseh.
Do hed mer müsse immer mehr Stühl hole, dass es Platz für alli hed ge.
Wenn mer mich frogt, was dient i de Chile oiserem Zämelebe.
De Altar und de Disch – die darfs gern beide gebe.

Bilder zum Gottesdienst finden Sie in der Bildergalerie